Ma Muslim balumela kuli Muhammad (kozo ya mun’a bupilo ibe ni yena) kiyena mupolofita wamafelelezo mwa mukoloko wa mapolofita bene balumilwe kususueza batu kuli balumele ku Mulimu ni kumu lapela yena anosi. Babamu bama mapolofita baa; ki Adama, Nuhe, Jacobo, Josefa, Abrahama, Davida, Jesu, ni Mushe (kozo ya Mun’a bupilo ibe ni bona kaufela.)
Ma Muslim aba lapeli kapa kukupa ketelelo ya moya okenile kuzwelela ku Muhammad (kozo ya Mun’a bupilo ibe ni yena). Uhanisize.
“Musike mwa fiteleza litumbo za mina kuna sina moba lumbela Jesu mwana Maria ba silumeli sasi Kireste. Ni mutanga ya lumilwe, munibize mutanga a mulimu kapa mulumiwa wa hae.”
Sina ma Muslim mo balumelela kuli Mushe (kozo ya Mun’a bupilo ibe niyena) na lumilwe ni “Tora” mi Jesu (kozo Mun’a bupilo ibe niyena) na lumilwe kutisa “Evengeli”. Ma Muslim ba lumela kuli Muhammad (kozo ya Mun’a bupilo ibe niyena) na lumilwe ni korani kuto bonisa ni kuluta moisebeleza.
Lipulelo zemu za Mupulofita Muhammad (kozo ya Mun’a bupilo ibe ni yena) ki zeswana sina:
“Mulimu hana kusupeza lilato kumutu yasina lilato ku babamu.”
“Yatiile aki yakoma batu ka maata ahae kono yatiile kiya sikulula bunyemi bwa hae.”
“Babande mwahala mina ki bale babana ni mikwa ye minde.”
“Utuse mutu yainzi mwa tasi ahao isin’i ya inzi fa halimu a hao. Kakueza cwalo ukakona kuitumela hande kwa muhau wo Mulimu anani wona kuwena.”
“Usike wanyaza kezo yende yenyinyani kuli hakiya butokwa, ni haiba kukopana niwa habo wena ulukela kuba ni tabo ku butokwa.”
KUAMANA NI BULAPELI
Baituti ba silumeli sa si muslim batalusa “Bulapeli” kuli ki “likezo za mwahali ni kwande zeo mutu aeza kulumbeka ni kulapela kapa kutabisa Mulimu anosi.”
Ka manzwi aman’wi, bulapeli mwa si muslim abusikaitinga feela kwa bulapeli, kuitima lico, kutusa batu baba shebile kamba kuya kwa Mecca kuyo bona limakazo zeo nebayezize ma polofita ba kale, kono ki kufita zeo.
Mutu ukona kufetula likezo za kazazi ka likezo za bulapeli ka kukenisa mihupulo yahae ni kubata Mulimu ka likezo zeo. Ba Lumiwa ba Mulimu (kozo ya Mun’a bupilo ibe ni bona) babulezi kuli:
“kulumelisa mutu ki kamuhelo. Kezo yelukile ki kamuhelo. Kutusa mutu ni mbongolo yahae ki kamuhelo. Manzwi amane ki kamuhelo, mitambo yezamaiwa hauya Kwa kulapela ki kamuhelo. Kuzusa sika sesitibile nzila ki mukwa omunde.”
Nihaike kuifepa mwanzila yetabisa mu’na bupilo ibile ka mabaka a Mulimu haiba kueziwa ka libaka leli swanela. Kamutala; kusebeza kuli mutu atuse lubasi lwa hae ki bulapeli. Kono haiba mutu abelekela kuiponisa, bo aki bulapeli.
Ze ambozwi kwa halimu likona kuutwahala bunca kubao bona silumeli kikuba feela ni silikani ni Mulimu kusina likezo zetisa kuli lusutelele kwa silumeli. Ma muslim ba lumela kuli si Isilam aki silumeli feela kono ki bupilo bobutezi.
Kutolokiwa kwa Korani nihaiba mwa sikuwa kapa mishobo isili, akutalusi kuli kiyona Kurani luli kamba yemu ya siyemba sa yona kono ki toloko feela yefa taluso ya Kurani. Korani iinzi mwa mushobo wa si Arab moo neibonisizwe.
Ki Kurani feela yesi ka cinca ni ku bulukiwa hande, haili liponiso zemu lilatehile ni kucinciwa.
“Mulimu usepisize babalumela ni kueza likezo zende kuli banani swalelo ni mupuzo womutuna.” Koran 5:9
KUAMANA NI ISLAM
Bun’ata bwa balumeli babulela kuli ni bona balumela ku Mulimu yalimun’wi kono ka nzila yen’wi bakopanyanga Mulimu ni lika zen’wi. Ka mitala;
Kulapela kapa kukupa swalelo ku Mulimu ka pupo ya hae.
Kukasheza misebezi ya Mulimu kwa lika zen’wi kapa batu baban’wi
Kupanga lila ni Mulimu ka ku bulela kuli kunani ya mulwanisa.
Mitala ye ambozwi fa halimu aizamaheleli ni milao ya silumeli sa Islam.
KUAMANA ZA MULIMU (ALLAH)
Libizo la Allah libupilwe fa manzwi amabeli asi Arab ili “Al” ni “Ilah” Kutalusa Mulimu. Manzwi a kaufela akopanyizwe Kutalusa Mulimu ili yena feela anosi kapa Mulimu wa niti alinosi.
Hakuna sesin’wi sesikona kubizwa Mulimu. Libizo le haliyo mwa bun’ata kapa buino bwa kuba ni musali kapa muuna. Se si bonisa shutano alukalikanya ni lizwi la “Mulimu” leli kona kuba mwa bun’ata kuba “milimu” kapa mulimu wa sisali
MA MUSLIM BALUMELA KULI MULIMU KI ALIMUN’WI
Mulimu ki halimun’wi mi hana mutusi
Mulimu hana ya likana ni yena kapa kuina ni yena
Islam yahana kuhakaleza Mulimu mwa sibupiwa sa mutu
Hakuna sa bupile kaufela sesiswana ni yena
Hakuna silama sa Mulimu sesiinzi kuyomun’u. (nihaike kuli zibo yahae ipitezi kwa lika kaufela)
Bulapeli bwa kulapela bapulofita ni babtu baban’wi fa lifasi ki kulapela milimu isili.
Mulimu wautwa kaufela ya mulumbeka
Mutu kaufela wakona Kuambola ni Mulimu kusina kuitusisa batu baban’wi,
Ma Muslim balumela kuambola ni Mulimu anosi kusina yaba yemela sina , libupiwa, ma polofita ba buhata, man’eloi, bazamaisi ba likeleke, ma fasi, ma bita ni zen’wi cwalo.
YA SEPAHALA
Mulimu uatula mutu kuamana ka mikwa ya hae, hape mutu ni mutu unani buikalabelo fa likezo za hae.
Kiku man’i ni man’i kuiketela ku sepahala fa pila Mulimu kuli akone Kufumana muhau wa Mulimu kuya ka tumelo ya hae (Isin’i ka sifumu kapa mubala)
YA YAMBAKANI
Mulimu Uyambakani mi ukauhanywa kwa libupiwa za hae.
Mulimu kiya yambakan hakuna sesikona kubapanywa niyena kwa libupiwa za hae kaufela.
YANA NI SISHEMO
Sishemo sa Mulimu ki sesituna luli kuli mane hasikoni kulikanywa ni sa mushemi ku mwana.
Hakuna yapepezwi mwa sibi.
Mulimu waswalela libi kaufela.
YA NANI MAATA
Mulimu hana sila.
Tumelo yeli Mulimu na pumuzi kalizzi la busupile (7) hana bupa lifasi haina sesin’wi kwa silumeli sa Islam.
Mulimu ubusa lika kaufela.
Kulumela ku Mulimu akuekezi maata ahae kapa kusalumela ku Mulimu akuzusi kwa maata ahae.
Hakuna litali leliwa kwa kota kusina taelo yezwa ku Mulimu.
Kuipeya mwa bulapeli kakufitisisa kutisa mutu kuba ni buiswa mi Seo kona sabata Mulimu kuli lusieze ; kumuziba ka likezo za hae ni ka mabizo, kuziba butokwa bwa hae ni kubiza kuyena kapa kuikokobeza fa pila hae. Mabizo aman’wi a Mulimu kia:
Mubupi ni Mubabaleli
Muswaleli ni Mulukululi
Ya Itumela
Ya ziba niku lemuha lika kaufela
Ya alaba yatokwile hakupa kuyena
Ya lukulula kwa matata kaufela
Yasina yaswana ni yena kwa butuna
KUAMANA NI QURAN (BUKA YA MA MUSLIM)
Ma Muslim balumela kuli korani ki linzwi la Mulimu leli tolokilwe kukopanya ni litaba za niti za Mupulofita Muhammad (kozo ya Mun’a bupilo ibe ni yena ) kona mutomo kokuzwa zibo ya si Islam.
