CORAN - Coranax Suran jaljtatawa (t’aqanaka) ukhamaraki Ayat (qhanañchir t’aqanaka)

Coranax Suran jaljtatawa (t’aqanaka) ukhamaraki Ayat (qhanañchir t’aqanaka). Niya patak tunka pusin Suranakaw Corananx utji.

Suranakax pä t’aqanakaruw uñstatapat jaljtata: janira mä markat yaqha markar sarkasa (hégira), ‘La Meca’ uka sutimpis uñt’atarakiwa, ukatx kunawsati mä markat jaqha markar sarxtan ukha, ‘Medina’ sutimpirakiw uñt’asi, uka pä t’aqaw utji. ‘Meca’ t’aqanakanx mä Diosarukiw iyaw saña uka muyuw utji (monoteísmo) sata, ukampirus ‘idolatria’ ukats iwxanak utjarakiwa. ‘Medina’ t’aqanxa kuna kamichinakampis aka uraqin jaktan ukatuqinakat arsusiraki ukampirus markax kunjama uka amuyunak lup’i jay ukanakaniwa.

Musulmananakatakix Coranax Qhipïri uñstawipaw uñist’ayawayi aka qhip qhipa arkiriparu. Qalltapat Diosax kunaymaninakatwa mensajenaka aka uraqiru apayaniritapa. Janira aka Coranaru uñstki ukhaxa, sapa arkiriruwa markanakaparu khitanukuna, ukampinsa Coranax diosan uñstawipawa taqi aka uraqpachana.

CORANAN IMATAPA

Corán qillqatanakax kunjamati uñstawayki ukhamaraki kunjamti arkiriru uñstawayki jay ukhampach imataskiwa (Diosan samarawipax jupampipana). Ángel Gabriel jupaw arkiriru arunak arsuna, arkiristi khitinakati juparu arkkäna ukanakarurakiwa uka pacha arunaka arsurakïna,, jupanakax uka arunak sun katuqapxäna arkiriru arsuñataki, akax yatiqappachati janicha uk yant’añataki. Arkirixa uka arunakax qillqatanakar imaspan sarakiw mayïna.

Musulman markachirinakax pä kastat uka Corán imañatakix amtapxatäna, maynirixa sapa jaqiw uka arunak p’iqipar imapxañapa, payiristi qillqatanakaruw imapxäñapa.

P’iqir imañ yatiqañ utanakanxa, yatiqiriakax Corán arunakx p’iqinakaparurakiw imapxi ukampinsa yatichiwa uka arunaka yatiqañkama arsuyi, yatichirix yatichiripatrak yatiqawayi, mä katinjamaw uka arunakax sararaki, Diosan mensajerupjama, akax mä jan p’akjaña amtawiwa, kunatix Corán arunakax walja musulman jaqinakaw aka uraqpachan p’iqinakapar imapxi, kunawsati maynix mä aru turkakipañ munchi ukhaxa waljaniw uka chippach aru arsupxarakini.

CORÁN CHAPART’AWIPA

Corán arunakax chapart’awi, jay ukham jaqukipataw akax sañ muniwa janiw mä qillqatakispas ukhamakiti jan ukax mä suma muxsa arunakaspax ukhamawa. Mä ‘oración’ luxtañatakix Islam markan amtawipax mä qawqha t’aqanaks Corán pankat yatipxañapawa, ukat uracionax luxtasiskani.

CORÁN UKHAMARAK YAQHA YÄQAT QILLQATANAKAMPI

Janira Corán utjkipan qillqatanak uñstatapax Evangelio ukhamaraki Tora ukanakax panak uñtatajapxiwa jiwat arkirinakat qhipa, jupanakaruwa uka arunaka qhanstayatawayi, jaqukipatakaspas ukhama.

Ukhamipanxa Corán arunakax kunjamatikan ukhampach imataskiwa, kuatix kunawsati Muhammad arkiri jakkan ukhanakaw uka Corán pank qillqasïna. (Diosan samarawipax jupampipana)

CORANXAT AMUYUNAKA

Janiw wali yäqañakiti kunjamti aka Coran uk ullarktan ukhaxa. Nayraqatx janjamakiw kusakiti ukat qhiparux wali amuyañjamaskiwa, uka ullart’añax wali kusanak amuyayistu, ukhamat aka pankax walja maranakaw apnaqataskani, kunatix wali kusa amuyunakaniwa.

GOETHE, citado por T. P. Hughes, Diccionary of Islam: 526

Nayraqat sisktan ukax janiw chiqaparjamakaspati khiti jaqinakati Muhammand Coran pank qillqaspa ukatuqita. Kunjamsa mä jan qillqasiñ ni ullañ yatkasa, wali yäqat, q’ayachat jaqir tukkaspa. Kunjamsa aka verdad de ciencia científica qhanañchaspa, uka pachanakanx janiw khitis yatkänti ukhamarus kuna jan walt’awsa askichatarakiwa.

MAURICE BUCAILLE, The Bible, the Qur’an and Science, 1978: 12

Coran ukax wali munataw musulman jaqinakataki, Dios awkin arupawa profeta Muhammand angel garbriel taypnam qhanañchawayata (Diosan samart’añapax jupampipana). Pä tunk kimsan maranakaw aka misión profética taypnam uka qhanañchawix qhanañchawayäta

www.islamic-invitation.com